Lanka Cables

Sunday, 24 October 2021

அசலும் நகலும் 01

அசலும் நகலும் 01

அசலும் நகலும் என்ற இந்த தொடரின் மூலமாக, மொழி கடந்த சில பாடல்களை நேயர்களிடம் கொண்டு செல்ல நாம் ஆசைப்படுகின்றோம்.

மொழி கடந்த ரசனையாக இப்படி அமைந்த ஒரு திரைப்படம் 1964 -ல் ராஜ் கோஸ்லா இயக்கத்தில் வெளியான ‘வோ கோன் தீ’ (அவள் யாராக இருந்தாள்) என்ற இந்தித் திரைப்படம். குரு தத்தின் சீடராகத் திரை உலகில் நுழைந்த, நல்ல குரல் வளம் மிக்க பாடகர். வித்தியாசமான இயக்குநர்.

ஹாலிவுட் உலகின் ஜார்ஜ் கக்கர் போன்று, பல சிறந்த நடிகைகளை அறிமுகப்படுத்திய இவர், சாதனா, மும்தாஜ், நூதன், வகிதா ரஹ்மான் போன்ற சிறந்த கலைஞர்களின் வெற்றிக்கு அடிகோலியவர். வித்தியாசமான சூழலில் அமைந்த இவரது பல பாடல் காட்சிகளுக்கு இவரது இசைப் பின்புலம் ஒரு காரணமாக விளங்கியது.

பெருமை சேர்த்த படம்

‘வோ கோன் தீ’ என்ற இந்திப் படம் ‘யார் நீ’ என்ற பெயரில் தமிழிலும் ‘ஆமெ எவரு’ என்ற பெயரில் தெலுங்கிலும் மொழிமாற்றம் செய்யப்பட்டது. ‘உளவியல் திகில்’ வகை சார்ந்த ராஜ் கோஸ்லாவின் மூன்று வெற்றிப் படங்களில் முதலாவது படம் இது. (மற்றவை: மேரா சாயா, அனிதா). இந்தப் படம், நடிகை சாதனா, இசை அமைப்பாளர் மதன்மோகன், பாடகி லதா மங்கேஷ்கர், பாடலாசிரியர் ராஜா மெஹதி அலி கான் ஆகிய அனைவரையும் அகில இந்திய நட்சத்திரங்களாக ஆக்கிய பெருமைக்கு உரியது.

மெஹதியின் மிகச் சிறந்த பாடல்களில் ஒன்றான, ‘லக் ஜா கலே கீ ஃபிர் யே ஹஸ்ஸின் ராத் ஹோ நா ஹோ’, வித்தியாசமான பாணியில் அமைந்த, ‘ஜோ ஹம்னே தாஸ்த்தான் அப்னே சுனாயீ தோ ஆப் கியோன் ரோயீ’, இப்படத்தில் அடிக்கடி ஒலிக்கும் ‘ பர்ஸே நயனே ரிம்ஜிம் ரிம்ஜிம்’ ஆகிய மூன்று பாடல்களையும் பாடியவர் லதா மங்கேஷ்கர்.

இந்தப் பாடல்கள் அதே உணர்வுடன், அச்சு மாறாமல், இசை, குரல் மட்டுமின்றி மொழியிலும் மாற்றம் கண்டது ஒரு விந்தை. அந்த விந்தையை நிகழ்த்தியவர் இந்தி மொழி அறியாவிடினும் தன் சிந்தையின் திறனால் அதைச் செய்து காட்டும் சொல் தச்சன் கண்ணதாசன்.

ஒரே உருவம் கொண்ட இரண்டு பெண்களை மர்மமான சூழலில் மாறிச் சந்திக்கும் நாயகன் குழப்பத்தின் உச்சிக்குத் தள்ளப்படுகிறான். படித்த மருத்துவரான அவன் குழப்பத்தைப் போக்கி அவனைத் தன்வயப்படுத்தும் காட்சிக்காக எழுதப்பட்ட பாடல் இது. காட்சிக்கு மிகவும் பொருத்தமாக இருப்பதுடன் காட்சியின் பின்புலம் தாண்டியும் வாழ்க்கையின் நிலையை அழகாகப் படம் பிடித்துக் காட்டுகிறது. பின்னணியில் ஒலிக்கும் வயலின் இசை உட்பட அனைத்து இசை அம்சங்களும் தமிழில் அப்படியே தக்க வைக்கப்படுள்ளன. இந்தி நடிகை சாதனாவுக்கு இணையான அழகுடைய ஜெயலலிதா, மர்மமான, விட்டேத்தியான பார்வையை நன்றாக வெளிப்படுத்தும் மனோஜ் குமாருக்கு இணையான ஜெய்சங்கர் ஆகியவை இப்படத்தின் தமிழ் வடிவான ‘யார் ‘நீ’ படத்தின் சிறப்பு அம்சங்கள்.

‘லக் ஜா கலே’ என்றால், (கழுத்தில் படர்ந்துகொள்) என்னைக் கட்டிக்கொள் என்று பொருள். அவ்வரிகளுடன் தொடங்கும் அப்பாடலின் பொருள்:

அணைத்துக்கொள் என்னை அன்பே

அழகான இந்த இரவு இனி வருமோ வராதோ

ஒருவேளை இந்த ஜென்மத்தில் நம் சந்திப்பு

மீண்டும் ஏற்படுமோ ஏற்படாதோ

நல்வாய்ப்பாக இந்த நாழிகை கிட்டியுள்ளது

நன்கு ஆசை தீரப் பார்த்துக்கொள் அருகில் வந்து

பின்பு இந்தப் பேறு உனக்குக் கிட்டுமோ இல்லையோ

ஒருவேளை இந்த ஜென்மத்தில் நம் சந்திப்பு

மீண்டும் ஏற்படுமோ ஏற்படாதோ

வா என் அருகில் வர மாட்டேன் இனி அடிக்கடி

தா உன் தோளை அழுதுகொள்கிறேன்

தாரை தரையாகக் கண்ணீர் வடித்து

இனி என் விழிகளில் அழுவதற்குக் கண்ணீர்

இருக்குமோ இல்லாது போகுமோ

அணைத்துக்கொள் என்னை அன்பே

அழகான இந்த இரவு இனி வருமோ வராதோ

திரைப்படத்தின் பாடல் காட்சிக்கு முழுவதுமாகப் பொருந்தக்கூடிய வரிகளாக விளங்குவதுடன், தனியாகப் பார்க்கும்போதும் வாழ்க்கையின் பிற சூழல்களுக்கும் ஏற்ற கருத்துகளாகத் திகழும் பாடல்களை இயற்றும் திறன் படைத்த ராஜா மெஹதி அலி கானின் மிகச் சிறந்த பாடல்களில் ஒன்று இது. படம் வெளிவந்து 53 வருடங்கள் ஆகியும் இன்றும் அநேகமாக தினமும் வானொலியில் ஒலிப்பரப்பாகும் இப்பாடலை லதா மங்கேஷ்கர் தவறாமல் அவரது இசை நிகழ்ச்சிகளில் பாடுவார்.

தமிழில், இந்தப் பாடல், ‘பொன்மேனி தழுவாமல்’என்பதாக அமைந்தது. இந்திப் பாடலின் இசை, வயலின் பின்னணி உட்பட, முழுவதுமாகத் தமிழில் தக்க வைக்கப்பட்டிருந்தது. இத்தகைய இசையுடன் கண்ணதாசனின் எழில் வரிகளும் சேர்ந்து இந்தப் பாடலை மறக்க முடியாததாக ஆக்கிவிட்டன.

Thursday, 23 September 2021

என்னதான் நடக்கின்றது ஆப்கானிஸ்தானில்...

என்னதான் நடக்கின்றது ஆப்கானிஸ்தானில்....(பகுதி 5)

ஆட்சியை தலிபான்களிடம் இழந்து ஓமானுக்கு தப்பிச் சென்ற முன்னாள் அதிபர் அதிபர் அஷ்ரப் கனி இருபது வரையிலான தீவிரவாதக் குழுக்கள் நாட்டில் இருப்பதாக பலமுறை கூறியுள்ளார்.

அவரின் பாதுகாப்புத் துறைகளின் கூற்றுப்படி, இந்தக் குழுக்கள் அதிகம் பாகிஸ்தானில் தளங்களைக் கொண்டுள்ளன.

இதில் சில தீவிரவாதக் குழுக்கள் ஆப்கானிஸ்தானில் தளம் வைத்திருப்பதாகவும் கூறப்படுகிறது. ஆப்கானிஸ்தானில் இஸ்லாமிய எமிரேட்டை நிறுவுவது, அதனை ஏனைய இஸ்லாமிய நாடுகளுக்கு விரிவுபடுத்துவதும் தலிபான்களின் போராட்ட நடவடிக்கைகள் இந்த முயற்சிகளின் பின்னணியில் உள்ளது.

1996 தொடக்கம் 2001 ஆண்டு காலப்பகுதியில் ஆப்கானிஸ்தானில் தலிபான்களை அரசை நிறுவிய போது பாகிஸ்தான் உட்பட உலகின் மூன்று நாடுகள் மட்டுமே அந்த அரசை அங்கீகரித்தன.

ஒரு நாட்டின் உருவாக்கம் அல்லது ஆட்சியைக் கைப்பற்றுதல் தொடருதல் என்பது அந்த நாட்டை உலகில் உள்ள பெரும்பான்மையான நாடுகள் அங்கீகரிப்பது என்பதன் அடிப்படையில்தான் அதன் உயிர்வாழுதல் சாத்தியமாகும். இது எந்த ஒரு விடுதலைப் போராட்டத்திற்கும் பொருந்தி இருக்கும்... புதிதாக உருவாகும் நாடுகளுக்கும் பொருந்தும்.

இதற்கான அரசியல் வேலைகளை அல்லது சர்வதேச சமூகத்திடம் ஒரு போராட்டத்திற்கான தார்மீக ஆதரைவை பெறுதல் என்பது முக்கியமான அம்சமாக அமைகின்றது.

இது எமது நாட்டில் நடைபெற்ற தனிநாட்டுக் கோரிக்கையுடனான போராட்டதிற்கும் பொருந்தித்தான் இருக்கின்றது. ஈழத் தமிழர்களின் போராட்டத்ததிற்குரிய தார்மீக ஆதரவை புரிதலை நாம் பெற்றுக் கொண்டோமா அல்லது ஏதாவது ஒருவகையில் தனியாக ஒரு நாடு அமைக்கப்பட்டிருந்தால் அதனை அங்கீகரிப்பதற்குரிய நேச சக்திகளை நாம் அதிகளவில் வளர்த்துக் கொணடோமா என்பதில் பல நம்பிக்யீனங்களும் தோல்விகளும் உள்ளன.

மாறாக வெறுமனவே இராணுவ ரீதியிலான எண்ணிக்கையை காட்டும் எதிரி இராணுவத்தின் கொலைகள் மட்டும் விடுதலையைப் பெற்றுத் தந்துவிடாது வேணுமாயின் நிலப்பரப்பை கட்டுப்பாட்டிற்குள் கொண்டு வரலாம் ஆனால் அங்கு வாழும் மக்களின் வாழ்வாதாரத்தை உலக ஒழுங்கில் தவிர்க்க முடியாமல் பின்னிப் பிணைந்து புதிய நிலமையில் தாக்குப் பிடிக்கலாமா என்றால் இல்லை என்பதே பதிலாக வரும்.

இதற்கு ஆப்கானிஸ்தானில் தலிபான்கள் ஏலவே பெரும் நலப்பரப்பை தமது கட்டுப்பாட்டிற்குள் வைத்திருந்தாலும் அரசாக ஆட்சியாக நாடாக அங்கீகாரத்துடன் செயற்பட முடியவில்லை. இது ஈழத்தின் வடக்கு கிழக்கின் பெரு நிலப்பரப்பை தமிழீழ விடுதலைப் புலிகள் கட்டுப்பாட்டிற்குள் வைத்திருந்த 2009 மே இற்கு முற்பட்ட காலத்துடனும் நாம் ஒப்பிட்டுப் பார்க்க முடியும்.

இதனைத்தான் முன்பு உருவான அரசை அரசாட்சியின் பலன்களை தலிபான்கள் தமது முதற் தவணையில் அனுபவித்தனர். அந்த அனுபவங்களை அவர்கள் பாடமாக கொண்டு இந்த இரண்டாவது ஆட்டத்தில் சர்வதேச நாடுகளின் அங்கீகாரத்தை பெறுவதற்குரிய செயற்பாட்டில் கவனம் செலுத்துவார்கள் என்று எதிர்பார்க்க முடியும். அதற்கான சில காய் நகர்த்தல்களை அவர்கள் செய்திருக்கின்றார்கள்.

ஆனால் அடிப்படை மதவாதக் கொள்கைகளை குறிப்பாக பெண்களை குழந்தைகைளை பெறும் இயந்திரங்களாகவும், பலவீனமானவர்களாக கருத்தும் அவர்களின் நம்பும் மார்க்கக் கொள்கையில் இருந்து அதிகம் மாற்றத்தை எதிர்பார்க்க முடியாது. இதற்கான அறிவிப்புகளும் வந்த வண்ணம் உள்ளன.

சோவியத் யூனியனை அனுப்பிவிட்டு அமெரிக்காவின் ஆசியுடன் ஆட்சியைப் பிடித்து முதலாவது ஆட்டத்தின் காலதில் இருந்து கடந்து வந்த இந்த 20 ஆண்டு காலத்தில் உலக அரசியல் ஒழங்கில் பல மாற்றங்கள் ஏற்பட்டுவிட்டன. இன்று சோவியத் யூனியன், ரஷ்யா என்று இன்னொரு அமெரிக்க எதிர் முதலாளித்துவ நாடாக மாற்றம் அடைந்துள்ளது.

அதே வேளை சீனாவும் பொருளாதார வல்லரசாக வளர்ந்து சமூக ஏகாதிபத்தியமாகவும் அமெரிக்காவின் நட்பு நிலையில் இருந்து எதிர் நிலையிற்கும் சோவியத்தின் எதிர் நிலையில் இருந்து ரஷ்யாவின் ஆதரவு நிலையிற்கும் என்று மாற்றம் அடைந்து விட்டன. கூடவே அமெரிக்கா - சோவியத் என்று இருந்த பனிப் போர் இன்று அமெரிக்கா - சீனா என்று 'பட்டுப் பாதை'(Silk Road) என்று களம் காணும் நிலையில் உள்ளது.

இதற்கும் அப்பால் நேரு, இந்திரா காலத்து சோவியத்தின் மிக நெருங்கிய நட்பு சக்தியான இந்தியா இருந்த நிலை மாறி அமெரிக்காவின நட்பு சக்தியாகவும் பாகிஸ்தானை தள்ளி வைத்தும் வைக்காமலும் என்று நகரும் நிலமைகள் வளர்ந்துவிட்டன. பாகிஸ்தான் சீனாவின் நட்பு இந்தியாவின் விருப்பற்ற நாடுகளாக இரு நாடுகளையும் எல்லைப் பிரதேசம் எங்கும் பார்க்கும் நிலையில்தான் ஆப்கானிஸ்தானின் புதிய தலிபான ஆட்சியை நாம் பார்க்க வேண்டியுள்ளது.

தலிபான் ஆட்சியை அமெரிக்காவிடம் இருந்து பெறுவதற்கு முந்தைய அஷ்ரப் கனி ஆட்சி காலத்தில் இந்தியா அதிகம் வழங்கிய மனிதாபிமான நடவடிக்கை அது கல்வி, விளையாட்டு, கட்டுமானம் என்பன புதிய ஆப்கான தலிபான் அரசால் நன்றியுடன் பார்க்கப்படுமா அல்லது தனது இக் கட்டான காலம் எல்லாம் முகாம் அமைக்க பதுங்கு குழிகளை அமைக்கு பாதுகாத்துக் கொள்ள தப்பி ஓடி ஒழிய என்று பலவகையிலும் உதவிய பாகிஸ்தானின் விருபத்திற்கு இணங்க இந்தியாவின் காஸ்மீரில் பிரிவினைவாதத்தை... ஊக்கிவிக்க அண்மைக் காலங்களை விட அதிகம் வீச்சுடன் செயற்படுத்துவதற்கான அகண்ட இஸ்லாமிய எமிரேட்கைனவை செயற்படுத்தமா என்பதில் இரண்டாவது நிலமைகளே அதிகம் சாத்தியமாக உள்ளதாக உணரப்படுகின்றது.

ஆனால் அமெரிக்கா தமது படைகளை வெளியேற்றுவதற்கு முன்பு தலிபான்களுக்கு வைத்த முன் நிபந்தனையாக 'தீவிரவாதச் செயற்பாடுகளுக்கு ஆதரவாக இருக்கக் கூடாது...' என்ற மூக்கணாங் கயிற்றை அறுத்தெறிவார்களா....? ஏன் அமெரிக்காவே அதனைக் கழட்டி இந்தியாவை மேலும் தன் பக்கம் இழுக்க பாவிக்குமா என்பது இனிவரும் இந்திய அரசுகளின் வெளிநாட்டுக் கொள்கைகளில் அதிகம் தங்கியிருக்கும்.

இவை எல்லாவற்யையும் விட தலிபான்களை ஏற்காத ஏனைய ஆப்கானிஸ்தானில் செயற்படும் வடக்கு கூட்டணி மற்றும் ஏனைய ஆயுதக் குழுக்கள் தலிபானின் அரசிற்கு இடைஞ்சலாகவே தொடர்ந்தும் செயற்படுவதற்குரிய வாய்ப்புகளே அதிகம்.

இவர்கள் எல்லோரும் இணைந்து குறைந்த பட்ச ஐக்கிய முன்னணியிற்குள் செயற்படும் அரசை அமைப்பதுவும் அருகாமையில் இல்லை என்றே தோன்றுகின்றது.

பல்வேறு சிறுபான்மை இனங்களை பிரதிநிதித்துவப்படுத்தும் இந்த குழுக்களின் அரசியல் அபிலாசைகள் தலிபான்களை அதிகம் பிரதிநிதித்துவப்படுத்தும் பஷ்தூன் இனத்தவரால் வழங்கப்படுமா என்பது மிகப் பெரிய கேள்வி குறிதான்.

இதனை ஈழவிடுதலைப் போராட்டத்தில் தமிழர்கள் மலையக மக்கள் முஸ்லீம்களை அவர்களின் தின அடையாளங்களை மறுத்து தமிழர் என்ற அடையாளத்திற்குள் கொண்டு வர முயன்ற மேலாண்மையுடன் ஓரளவு ஒப்பிட்டுப் பார்க்க முடியும்.

இவை எல்லாவற்றிற்கும் மேலாக ஐ.எஸ்.ஐ.எஸ்(கே) என்ற அமைப்பு இஸ்லாமிய நாடுகளில் மையம் கொண்டு தற்போது ஆப்கானிஸ்தானில் அமெரிக்க படை விலகல் போது குண்டு வெடிப்பை ஏற்படுத்தி தனது செயற்பாட்டின் போக்கை அறிவித்திருக்கின்றது. இந்த அமைப்பின் செயற்பாட்டை எவ்வாறு தலிபான்கள் கையாயளப் போகின்றார்கள் என்பதுவும் இங்கு பிரதான விடயமாக பார்க்கப்பட வேண்டும்.

இந்நிலையில் கடுமையான பொருளாதார சிக்கல் அரசியல் சிக்கலில் உள்ள நாடு எழுந்து நிற்குமா...? சீனாவின் நிபந்தனை அற்ற பொருளாதார வழங்கல்கள் தனது பட்டுப் பாதை(Silk Road)யை அமைப்பதற்கு ஏதுவாக புதிய ஆப்கானிஸ்தானை உருவாக்குமா என்பதை சற்றே பொறுத்திருந்து பார்ப்போம்.

(தொடரலாம்......)

***********************************************************************

மேலதிக விபரம் தேவையுள்ளோர் தொடர்ந்தும் வாசிக்கவும்.....

ஆப்கானிஸ்தானின் புவியியல், சிக்கலான இன அமைப்பு, மற்றும் மோதலின் வரலாறு மற்றும் உறுதியற்ற தன்மைக்கான இடத்தை உருவாக்கியுள்ளது ஏராளமான ஆயுதமேந்திய இஸ்லாமிய குழுக்கள், அவற்றில் சில உள்ளன. இவற்றில் சில நாடுகடந்த பயங்கரவாத நடவடிக்கையில் ஈடுபட்டுள்ளன. இது ஆப்கானிஸ்தானில் செயல்படும் முக்கிய பயங்கரவாத குழுக்களை கோடிட்டுக் காட்டுகிறது.

ஆப்கானிஸ்தானில் சண்டையிடும் தீவிரவாதக் குழுக்கள்:

1.ஹக்கானி நெட்வொர்க்: இந்த குழு வடக்கு வசிரிஸ்தானில் தளங்களைக் கொண்டுள்ளது மற்றும் பாதுகாப்புத் துறையின்படி, இந்தக் குழு பாகிஸ்தான் இராணுவத்துடன் நெருங்கிய உறவைக் கொண்டுள்ளது.

2. அல்-காய்தா நெட்வொர்க்: இந்த நெட்வொர்க் பாகிஸ்தானில் தளங்களைக் கொண்டுள்ளது மற்றும் ஆப்கானிஸ்தானின் கிழக்கு மற்றும் தென்கிழக்கு பகுதியில் பயங்கரவாத நடவடிக்கைகளை மேற்கொண்டு வருவதாக தகவல்கள் தெரிவிக்கின்றன.

3. டேஷ்: டேஷ், புதிய குழு, ஆப்கானிஸ்தானுக்கு எதிராக ஒரு பெரிய அச்சுறுத்தலாக வளர்ந்து வருகிறது. இது நாட்டில் பெரும்பாலான கொடிய தாக்குதல்களை நடத்தியுள்ளது. டேஷ் பயிற்சி மையங்கள் பாகிஸ்தானில் இருப்பதாக தகவல்கள் கூறுகின்றன.

4. "லஷ்கர்-இ-தொய்பா, லஷ்கர்-இ-ஜாங்வி, ஜெய்ஷ்-இ-முகமது, பாகிஸ்தான் தலிபான் மற்றும் பஞ்சாபி போராளிகள் தலிபான்களை ஆதரிக்கிறார்கள் மற்றும் அவர்கள் ஆப்கானிஸ்தானில் தீவிரமாக உள்ளனர்" என்று பாதுகாப்பு அமைச்சக செய்தித் தொடர்பாளர் தவ்லத் வசிரி கூறினார்.

5. லஷ்கர்-இ-ஜாங்வி: இந்த குழுவின் பயிற்சி மையங்கள் பாகிஸ்தானில் வசிரிஸ்தானில் அமைந்துள்ளது. இந்த குழு ஆப்கானிஸ்தானில் ஷியா மக்களுக்கு எதிராக கொடிய தாக்குதல்களை நடத்தியுள்ளது.

6. லஷ்கர்-இ-தொய்பா: இந்த பயங்கரவாத குழு ஆப்கானிஸ்தான் மற்றும் இந்தியாவில் பயங்கரவாத தாக்குதல்களை நடத்தி வருகிறது. இந்த குழு இதுவரை ஆப்கானிஸ்தானில் பல கொடிய தாக்குதல்களை நடத்தியுள்ளது.

7. ஜெய்ஷ்-இ-முகமது: இந்த பயங்கரவாதக் குழுவும் ஆப்கானிஸ்தான் மக்கள் மற்றும் ஆப்கானிஸ்தான் மக்கள் மீது பயங்கரவாதத் தாக்குதல்களை நடத்தி வருகிறது.

8. முஜாஹிதின் ஐக்கிய கவுன்சில் ({ரா-இ-இதேஹாத் முஜாஹிதீன்): இந்த பயங்கரவாதக் குழுவின் தளங்கள் மற்றும் பயிற்சி மையம் பாகிஸ்தானில் வசிரிஸ்தானிலும் அமைந்துள்ளது.

9. ம ஆயலவி நசீர் குழு: இந்த பயங்கரவாத குழுவின் பயிற்சி மையங்கள் தெற்கு வசிரிஸ்தானில் அமைந்துள்ளது.

10. தெரிக்-இ தாலிபான் பாகிஸ்தான் (டிடிபி): ஆப்கானிஸ்தானில் குழுத் தலைமை அமைந்திருப்பதாக பாகிஸ்தான் கூறிவரும் பயங்கரவாதக் குழுவானது டிடிபி ஆகும், ஆனால் குழுவின் தளங்கள் மற்றும் பயிற்சி மையங்கள் தெற்கு வசிரிஸ்தானில் அமைந்துள்ளதாக தகவல்கள் தெரிவிக்கின்றன.

11. அம்ரே பா மரூஃப் மற்றும் மோமின் குழு ஆகியவை ஆப்கானிஸ்தானுக்கு எதிராக பயங்கரவாதத் தாக்குதல்களைத் தொடங்கும் மற்ற குழுக்கள்.

"தீவிரவாதம் மற்றும் பயங்கரவாத சித்தாந்தங்கள் பாகிஸ்தானிலிருந்து தோன்றியது மற்றும் ஆப்கானிஸ்தானை அழிப்பதற்கான ஒரு கருவியாக பயன்படுத்தப்படுகிறது" என்று உள்துறை அமைச்சக செய்தித் தொடர்பாளர் செடிக் சேடிகி கூறினார்.

ஆப்கானிஸ்தானுக்கு எதிராக ஜமாத் உத் தவா, லஷ்கர்-இ-இஸ்லாம், அன்சாருல் இஸ்லாம் மற்றும் இஸ்லாமிய ஜிஹாத் இயக்கம் போன்ற பிற பக்ஷிதானி பயங்கரவாதக் குழுக்கள் உள்ளன.

செச்சென்ஸ், உய்குர் பயங்கரவாதக் குழு, தஜிக்ஸ், தெஹ்ரிக்-இ-உஸ்பெகிஸ்தான் மற்றும் அரேபியர்கள் மத்திய கிழக்கு பயங்கரவாதக் குழுக்கள், பல ஆண்டுகளாக ஆப்கானிஸ்தான் அரசுக்கு எதிராக செயல்பட்டு வருகின்றனர்.

"பயங்கரவாத குழுக்கள் ஆப்கானிஸ்தானை தங்கள் தளங்களாக, ஆள்சேர்ப்பு மையங்களாக, தங்கள் போராளிகளுக்கு ஆதரவளித்து, ஏற்பாடு செய்வதாக பயன்படுத்துகின்றன" என்று இராணுவ ஆய்வாளர் ஜாவித் கோஹிஸ்தானி கூறினார்.

மிர்தாதின் புத்தகம்

ஒரு வண்டோ, ஈயோ; ஓர் ஆந்தையோ, குருவியோ; ஒரு நெருஞ்சி முள்ளோ, அல்லது ஒரு சுள்ளிக் குச்சியோ; ஒரு கூழாங்கல்லோ, அல்லது சிப்பியோ; ஒரு பனித்துளியோ, அல்லது ஒரு சிறு குளமோ; ஒரு பிச்சைக்காரனோ, அல்லது ஒரு திருடனோ சமாதத்தின் பணிவிடை பெறாமல் போவதுண்டோ? உலகம் தனது பணியைச் செய்வதன் மூலம் உங்கள் பணிகளையும் செய்து விடுகின்றது. உங்கள் பணியை நீங்கள் செய்வதன் மூலம், உலகின் பணியையும் நீங்கள் செய்துவிடுகிறீர்கள்.

எப்போதும், வயிற்றின் எசமானன் தலைதான். அதே சமயம், வயிறும் தலையின் எசமானனாகத் நிகழ்கிறது.

பணிவிடையால் பணிவிடை செய்தே ஆகவேண்டுமென்றால், எதுவுமே பணிவிடையைக் காப்பாற்றாது.

பணிவிடை செய்கிறவனுக்குப் பணிவிடை செய்தாலொழிய, எதற்குமே பணிவிடை செய்துவிட முடியாது.

சமாதம், உங்களுக்கும், எல்லாருக்கும், நான் சொல்வது இதுதான்:

வேலைக்காரன், எசமானனின் எசமான். தலைவனாகிய எசமானனோ, வேலைக்காரனின் வேலைக்காரன். வேலைக்காரன் தலை குனிய வேண்டியதில்லை. தலைவன் தலை நிமிர வேண்டியதும் இல்லை. தலைவனின் ஆபத்தான ஆணவம், அடித்து நொறுக்கப்பட வேண்டும். வேலைக்காரனின் அவமானகரமான அவமானம் ஒழிக்கப்பட வேண்டும்.

சொல் ஒன்றுதான் என்பதை மறந்துவிடாதீர்கள். நீங்கள் அந்தச் சொல்லில் உள்ள ஆசை. ஆனால், எல்லாம் ஒன்றுதான். சொல்லின் எந்த ஒரு சிறுபகுதியான அசையும், மற்றதைவிட மேலானதன்று; மற்றதைவிட முக்கியமானதன்று. எல்லா அசைகளும் ஒன்றே. சொல்லும் அப்படியே. அவ்வாறு ஓரசைச் சொல்லாக நீங்கள் மாறிவிடும்போது, சொல்லுக்கடங்காத சுய நேசத்தின் பரவச உணர்வு கடந்து செல்வதை உணர்வீர்கள். அந்த நேசம் எல்லாருக்கு மான, எல்லாவற்றிற்குமான நேசம்.

சமாதம், நான் உங்களிடம், ஒரு வேலைக்காரனின் தலைவனா சுவோ, ஒரு தலைவனின் வேலைக்காரனாகவோ இங்கே பேச வில்லை. ஒரு சகோதரன், தன் சகோதரனிடம் பேசுவது போலப் பேசுகிறேன். அப்படியிருக்க, நீங்கள் ஏன் என் சொற்களால் கலவரமடைகிறீர்கள்?

முடிந்தால் என்னை மறுக்கலாம். ஆனால், நான் உங்களை மறுக்க மாட்டேன். என் முதுகின் மேல் உள்ள தசைதான் உங்கள் முதுகின் மேலும் இருக்கிறது என்று சற்று முன்னால் நான் குறிப்பிடவில்லையா? எனக்கு இரத்தம் வரும் என்பதால் உங்களைக் குத்தமாட்டேன். உங்களது இரத்தம் சிந்தாமலிருக்க உங்கள் நாவை உறையிலிடுங்கள். எல்லா வேதனைகளிலிருந்தும் தப்ப, உங்கள் இதயத்தைப் பூட்டியிருந்தால், அதை எனக்குத் திறந்து வையுங்கள்.

உங்கள் சொற்கள் மாயவலையாகவும், முளகளாகவும் இருப்பதைவிட, நாக்கே இல்லாமலிருப்பது மேல். புனித புரிதலால்

நாக்கை சுத்தப்படுத்தாதவரை, உமது சொற்கள் மாயவலைகளாக வும், காயம் பட்டவையாகவுமே இருக்கும். துறவிகளே, உங்களில் தேடிப் பாருங்கள். எல்லாத் தடைகளையும்

நான் அகற்றி விடுகிறேன். உங்களது 'நான்' கட்டுண்டு புதைந்து

கிடக்கும் பொதியை நான் கட்டவிழ்த்து விடுகிறேன். அப்போது

நீங்கள், கடவுளின் சொல்லும், உங்கள் 'நானும்’ ஒன்றுதான் என்பதைப் புரிந்து கொள்வீர்கள். அது ஆதியந்தமற்ற அமைதியில் திகழ்வது. எல்லா உலகங்களும் அதிலிருந்தே பிறந்தன. இப்படித்தான் நான் நோவாவுக்கு உபதேசித்தேன். அப்படியே உங்களுக்கும் உபதேசிக்கிறேன்.

நரோண்டா: அதன் பிறகு மிர்தாத், எங்களை எல்லையற்ற திகைப்பில் ஆழ்த்தித் தாழ்த்திவிட்டுத் தன் அறைக்குத் திரும்பிச் சென்றுவிட்டார். சகிக்க முடியாத அமைதி, சற்று நேரம் அங்கே நிலவியது. பிறகு நாங்கள் கலைந்து செல்ல ஆரம்பித்தோம்.

கலைந்து செல்லுமுன், ஒவ்வொருவரும் மிர்தாத் பற்றிய மதிப்பீட்டைத் தெரிவித்தார்கள்.

சமாதம்: மணிமுடிக்கு ஆசைப்பட்டுக் கனவு காணும் பிச்சைக்காரன், மிக்காயன்: அவன் ஒரு தலைமறைவு ஆள். 'நோவாவுக்குக்

கற்பித்தேன்,' என்று குறிப்பிட்டானல்லவா?

அபிமார்: சிக்கலடைந்த நூல்கண்டு.

மிகாஸ்டர்: வேறொரு அண்டவெளியின் நட்சத்திரம்.

பென்னூன்: சக்திவாய்ந்த மூளைதான், ஆனால், முரண் பாட்டில் மாட்டிக் கொண்டுவிட்டது.

சமோரா: அற்புதமான யாழ்தான். ஆனால், அது எழுப்பிய சுரம்தான் என்னவென்று தெரியவில்லை.

ஹிம்பல்: நட்புள்ள காதைத் தேடும் நாடோடிச் சொல், அவன்..!

மிர்தாதின் புத்தகம் தேன் தமிழ் ஓசைக்காக பேசாலை

Tuesday, 21 September 2021

கொச்சிக்கடை புனித அந்தோனியார் ஆலையம்

கொச்சிக்கடை புனித அந்தோனியார் ஆலையம்

கொச்சிக்கடை புனித அந்தோனியார் தேவாலயம் அமைந்துள்ள பகுதி, கொச்சிக்கடை எனப் பெயர்பெறக் காரணமும் அதன் வரலாற்றில் சில.

கொச்சிக்கடைப்பகுதி இயல்பாகவே இன்று பல மதங்களின் கேந்திரஸ்தானமாகவும், மையமாகவும், விளங்குகின்றது. குறிப்பாக கொச்சிக்கடை புனித அந்தோனியார் தேவாலயம் பல்வேறு மதச்சார்பான பல லட்சம் மக்களால் வழிபடப்படும் பிரபல்யம்மிக்க ஒரு தேவாலயமாகும். இத்தேவாலயம் இப்பகுதியில் அமைந்ததாலேயே இப்பகுதி

கொச்சிக்கடையெனப் பெயர்பெறமூலகாரணமாயிற்று.

இந்நாட்டின் வரலாற்றுப் பின்னணியினை நாம் எடுத்து நோக்கும் போது இலங்கைத்தீவானது ஒல்லாந்தர் ஆட்சியில் அகப்பட்டு இருந்த காலகட்டத்தில் கத்தோலிக்க மதமானது இலங்கையில் பின்னடைவினை எதிர்நோக்கிய ஒரு காலகட்டமாகும். இக்காலத்தில் குறிப்பாக பதினேழாம் நூற்றாண்டில் கத்தோலிக்க மதத்தினை இலங்கையில் பரப்பிச் சீர்திருத்தம் செய்யும் வகையில் தென்னிந்தியாவில் இருந்து அதாவது கொச்சின் பகுதியிலிருந்து கொழும்புக்கு கொச்சின் அந்தோனியோ என்னும் மதகுரு ஒருவர் அனுப்பி வைக்கப்பட்டார்.

ஆயினும் அக்காலகட்டத்தில் வெளிப்படையாகக் கத்தோலிக்க மதத்தை அனுஷ்டிப்பது, பிரசாரம் செய்வது என்பன

ஒட்டுமொத்தமாகத் தடைசெய்யப்பட்டிருந்தது. இத்தகைய கட்டுப்பாடுகள் நிலவிய காலகட்டத்தில் கொச்சின் அந்தோனியோ கொழும்பு நகரின் மத்தியிலிருந்த மலிபன் வீதிப்பகுதியில் (Vivekanandha Hill) அமைந்துள்ள சிறிய குடிசையில் வந்து தங்கியிருந்து, இரவில்

கத்தோலிக்க மத அனுஷ்டானங்களை மேற்கொண்டு வந்தார். இவரது இம்முயற்சியினை அறிந்த ஒல்லாந்த ஆட்சியாளர்கள் அவரைக் கைதுசெய்ய முனைந்தனர். இதனால் கொச்சின் அந்தோனியோ அருகில் உள்ள மீனவர்களிடம் தஞ்சம் புகுந்தார். அக்கால கட்டத்தில் கொழும்பின் வடபகுதி கடலரிப்புக்கும், கடல் நீர் உட்புகுதலுக்குமான அச்சுறுத்தல்களுக்கும் உட்பட்டிருந்த ஓர் இக்கட்டான காலப்பகுதியாகும், இந்நிலையில் மீனவரிடம் தஞ்சம் புகுந்த கொச்சின் அந்தோனியோ என்பவரிடம் மீனவர்கள் ஒரு வேண்டுகோளினை விடுத்தனர்.

நாட்டுக்குள் உட்புகும் கடலலைகளின் சீற்றத்தை இறை பிரார்த்தனையின் வாயிலாக கட்டுப்படுத்தும் வண்ணம் அவரிடம் வேண்டி நின்றனர். கொச்சின் அந்தோனியோவின் மூன்று நாள் பிரார்த்தனை மூலம் கடல் நீரானது கொழும்பு மாநகருக்குள் உட்புகுதல் முற்றிலும் தடைப்பட்டது. தனது ஆன்மீகப் பிரார்த்தனையின் பலத்தினால் கடலலைகளின் பாரிய அச்சுறுத்தலைக் கட்டுப்படுத்திய இறைவனுக்கு நன்றிக்கடனாக இறுதிவரை தன் வாழ்நாளை அவ்விடத்திலேயே

கழிக்க அவர் விரும்பியதன் காரணத்தால், அவருக்கு அக்கால ஆட்சியாளரது அனுமதியும், ஆதரவும், அனுசரணையும் வழங்கப்பட்டது. இச்செய்தியினைக் கேள்வியுற்ற அக்காலக்கவனர் கொச்சின் அந்தோனியோவிற்கு ஒரு சிறு துண்டு நிலத்தை அன்பளிப்பாக வழங்கியதுடன் அதில் கடை அமைக்க அனுமதியையும் வழுங்கினார். கொச்சின் அந்தோனியோ பகலில் தன் கடையை நிர்வகித்தும், இரவில் கத்தோலிக்க மத அனுஷ்டானங்களில் ஈடுபட்டும் வந்தார்.

கொச்சியிலிருந்து வந்து கடை நடத்தியதனால் இப்பகுதி கொச்சிக்கடை

எனப் பெயர்பெற ஏதுவாயிற்று. காலக்கிரமத்தில் கொச்சின் அந்தோனியோவின் ஆன்மீக அருள் பலத்தை உணர்ந்த ஒல் லாந்தர்

உட்பட பொதுமக்கள் அனைவரும் அவரால்

ஆரம்பத்தில் வைக்கப்பட்டு வழிபடப்பட்டு

வந்த அரிய சிலுவை இருந்த இடத்தில் புனித அந்தோனியாரின் உருவச் சிலையை தென்னிந்தியாவில் கோவா என்னும் இடத்தில் இருந்து எடுத்து வந்து பிரதிஷ்டை செய்து தேவாலயம் அமைத்தனர். இத்தேவாலயமானது 1834 ஆம் ஆண்டு பூர்த்தி செய்யப்பட்டது.

இன்று பல்லாயிரக்கணக்கான பக்தர்களின்

வழிபாட்டுத் தலமாக அற்புதம் மிக்க இவ்வரிய தேவாலயம் விளங்குகின்றது. இன்று கொழும்பு மாநகரத்தின் கொழும்பு பதின்மூன்று என்று இப்பகுதி அழைக்கப்பட்டு வந்தபோதும், பொதுவாக, இது கொச்சிக்கடையெனப் பெயரிடப்பட்டே பிரபல்யம் பெற்றுள்ளது. தேன் தமிழ் ஓசைக்காக பேசாலைதாஸ்

Friday, 13 August 2021

அப்புக்காத்து

அப்புக்காத்து

திரைப்படம், நாவல் இவைகளில் தோன்றும் தலைப்பு போல இருக்கின்றதா? இருக்கலாம், இதுவும் ஒரு கதைபோலவே நீட்சி கொள்கின்றது. நாவாந்துறை எனும் யாழ் குடா நாட்டு, மீன்பிடி கிராமத்தின் ஒரு ஏழை மீனவனின் எண்ணத்தில் கருவானதே இந்த அப்புக்காத்து என்ற கற்பனைப்பாத்திரம். இந்த கற்பனைப் பாத்திரம் அந்த ஏழை மீனவன் இசிதோரின் எண்ணத்தில் ஏன் உதயமாகவேண்டும்? அதற்கும் ஒரு வரலாற்று பின்னணி இருக்கவே இருக்கின்றது.

ஏழை மீனவன் இசிதோர் நிலாக்கால இரவுகளில் குருசடி தீவு என்ற மாட்டிறக்க தீவிலே தங்கி மீன்பிடிப்பது வழக்கம், அவரைப் போல பல மீனவர்கள் அந்த தீவிலே தங்கி இளைப்பாறி மீன்பிடி ப்பது வழக்கம், அந்த தீவிலே இசிதோர் எனும் அந்த மனிதன் ஒரு குருசை நட்டி, தன் அதிகமாக ஆசை கொண்ட அந்தோனியாருக் கென்று ஓலைகுடிசையால் கோவில் கட்டி, கும்பிட்டு வழிபட்டு வந்தார், பின்னளிலே முருகை கற்களினால் சிறு கோவில் கட்டி னார், வந்தது வினை!

வேலனை கிராமசபைக்கு சொத்தமான இந்துத் தீவிலே ஒரு கிறிஸ்தவ ஆலையமா? விவகாரம் நீதிமன்றம் வரை சென்றது, ஏழை மீனவன் இசிதோர் விடுவதாய் இல்லை, யாழில் பெயர் பெற்ற இரத்தின சபாபதி, பொன்னம்பலம் போன்ற வக்கீல்மாரை கொண்டு வாதாடி நாவாந்துறைக்கு சொந்தமான தீவாக குருசடித்தீவை வெற்றி கொண்டார். அன்றில் இருந்து தனது கடைசி ஆண் செல்லக்குட்டி வக்கீலா வரவேண்டும் என்று ஆசைப்பட்டு, மொன்மொலின் ஜெராட் என்றவனை அப்புக்காத்து என்று செல்லமாக கற்பனையோடு அழைத்தார், அந்த கற்பனை உலக பெயர் பெற்ற லண்டன் பல்கழைக்கழகங்களில் ஒன்றான லண்டன் பல்கலைக்கழகத்தில், சட்ட இளம்மானி LLB(Hones) , பின்னர் சட்ட முதுமானி LLM யாக பரிணமித்தது. பெருமாபலன தமிழர்கள் சட்டக்கல்லூரிக்கு சென்று ஒரு சொலிஸிட்டராகாவோ சட்டத்தரணியாகவோ வருவார்கள் ஆனால் பல்கலைக்கழகம் சென்று சட்டத்தில் பட்டம் பெற்று வழக்கறிஞராவது குறைவு. நாவாந்துறை வரலாற்றில் சட்டத்தில் பட்டம் பெற்ற முதல் நபர் அப்புக்காத்து என்று அழைக்கப்படும் மொன்மொலின் ஆவார்.

இந்த அப்புக்காத்தை நான் என் கல்லூரிக்காலத்தில் இருந்து அறிவேன், வழக்கறிஞராகவேண்டும் என்ற அப்பாவின் கனவு ஒரு புறம் இருக்க இவனுக்குள் சமூக சேவை என்ற எண்ணப்புயல் சூழ்ந்து கொண்டது, குருவாக வர ஆசைப்பட்டு குருமடம் வந்தான், ஆனால் குருவாகவரவேண்டும் என்ற எண்ணத்தைவிட, தன் ஊரின் மீது இருந்த தீராக்காதல் அவனை துறவற வாழ்வில் இருந்து ஓரம்கட்டியது, அன்றில் இருந்து அவனுக்கு ஒரே ஊரின் உயர்ச்சி பற்றி எண்ணமே அவனுக்குள் இருந்தது. எப்பொழுது பார்த்தாலும் ஊரின் எண்ணமே அவனுக்குள்.

தமிழர்கள் புலம் பெயரும் காலக்கொடுமைக்குள் அகப்பட்ட அப்புக்காத்து காலக்கொடுமைக்குள் அள்ளுப்பட்டு நோர்வே பேர்கன் வந்தான். அங்கும் வந்தும் அவன் சும்ம இருக்கவில்லை, புலம் பெயர் தமிழர்கள் நலம்பெறவேண்டும் என்று அவாக்கொண்டு, பேர்கனில் தமிழ் மாணவர் அமைப்பிலே தீவிரமாக உழைத்தவர். துருவக்குரல் என்ற கையெழுத்து சுவடு களை பேர்கனிலே ஆரம்பித்தார், பின்னர் மாணவர் அமைப்பு சகல் தமிழர்களை உள் வாங்கவேண்டும் என்ற நோக்கில் பேர்கன் தமிழ் சங்கம் உருவாகவேண்டும் என்பதில் முன்னோடியாக செயல்பட்டான் அப்புக்காத்து.

தமிழ் சங்கம் ம்க கம்பீரமாக செயல்படத்தொடங்கியது, ஐக்கிய நாடுகள் சபையில் துணிந்து, தமிழரின் பிரச்சனைகளை முதன் முதலாக ஓங்கி ஒலிக்கச்செய்த வைகுந்தவாசனை அழைத்து கெளரவித்து பாட்டியது பேர்கன் தமிழ் சங்கம், அப்படிப்பட்ட பேர்கன் தமிழ் சங்கம் இப்போதும் இருக்கின்றதா? சென்று கேட் கும் அளவுக்கு தமிழ் சங்கத்தின் இன்றைய பரிதாப நிலை, அது இருக்கட்டும் அப்புக்காத்து என்ற அலைக்கு மீண்டும் வருகின் றேன்.

தமிழ் சங்கத்தில் தீவிரமாக உழைத்த அப்புக்காத்துகுள் ஒரு எண்ணம் உதயமானது, புலம் பெயர் தமிழருக்கு ஒரு சங்கம் இருப்பதுபோல நாவாந்துறையில் இருந்து உலகமெல்லாம் புலம் பெயர்ந்தவர்களுக்கென ஒரு சங்கம் இருக்கவேண்டும் என்று எண்ணி, நாவாந்துறை சென் மேரிஸ் சர்வதேச சங்கம் என்ற ஒரு அமைப்பு உருவாக முதன்மை காரணியாக இருந்தான், இந்த கால கட்டங்களில் சங்கம் ஊடாக அன்றி தன் சொந்த முயற்ச்சியால் பல திட்டங்களை முன்னெடுத்தான், நெருக்கமாக பிணைபட்டு வாழும் தன் உறவுகள் வசதியாக வாழவேண்டும் என்ற நோக்கிலே சூரியவெளியில் காணிகளை கைப்பற்றி இருதயபுரம் என்ற ஒரு குடியேற்றத்தை ஆரம்பித்தான்.

பின்னர் நாவாந்துறை கடற்கரை பகுதிகள் அழகுற அமையவேண் டும் என்று எண்ணி, பூங்கா, விளையாட்டு திடல், ஓய்வாக இருக்க அழகிய கடற்கரை, அதோடு கலாசாரமண்டபம் என்பன எல்லாம் அமையவேண்டும் என எண்ணி, அழகிய வரைபடம் ஒன்றை தீட்டி எனக்கு காண்பித்தான் அப்புக்காத்து, ஆண்டிகள் கூடி மடம் கட்டு வதுபோல் உன் எண் ணங்க இருக்கின்றது என்று நான் கிண்டல டிப்பேன், அதனால் அவனுக்கும் எனக்கும் சிற்சில கோபங்கள் ஊடலைபோல. ஆனால் தன் கொண்ட சிந்தையில் தீவிரமானன் அப்புக்காத்து, கடற்கரையில் காலாச்சார மண்டபம், கன்விலும் பிதற்ற தொடங்கினான், தன் கறப்னைக்கு உருக்கொடுக்கொடு க்க செயல்பட தொடங்கினான் அப்புக்காத்து, அதன் விளைவாக வாடிப்பிரச்சனை பூதாகரமாக செயல்பட்டு, கலாச்சர மண்டபம் வேண்டாம் என்ற நிலக்கு தள்ளப்பட்டு, இன்றுவரை அந்த கலாச் சார மண்டம் கற்பனையாகவே இருக்கின்றது, இதற்கான பின்ன ணிகளை அலச எடுத்தால் அதுவே ஒரு மகாபார்தம் போல ஆகி விடும் அதை இதோடு விடுகின்றேன் மீண்டும் அப்புக்காத்தின் செயல்பாடு பற்றி சிலாகிக்க ஆசைப்படுகின்றேன்,,,,,,

Tuesday, 6 July 2021

தேன் தமிழ் ஓசையின் பேர்கன் கணனி ஒலிபரப்பு Bergen Tamil Digital DAB Service

வணக்கம் பேர்கன் வாழ் தமிழ் உறவுகளே! தினமும் மாலை ஆறு மணி தொடக்கம் நள்ளிரவு வரை எமது தேன் தமிழ் ஒசை நிகழ்ச்சிகளை நீங்கள் கேட்டுமகிழலாம். நாள் முழுவதும் தமிழ் ஒலிபரப்பினை நீங்கள் கேட்க விரும்பினால் www.Theantamilosai.com என்ற இணையத்தளத்திலும், பேர்கனுக்கான பிரத்தியேக டிஜிடல் ஒலிபரப்பினை டாப் வானொலியில் தமிழ் ஸ்டேசன் வழியாக அல்லது www.Finradio.no இணையவழியாகவும் கேட்டு மகிழாலாம். நிகழ்ச்சிகளை நாம் விடியலின் ஓசையோடு ஆரம்பிப்போம்.

விடியலின் ஓசையை தொடர்ந்து ஒருபடப்பாடல் தொடர்கின்றது. மிரசல் என்ற திரைப்படத்தின் பாடல்கள் ஒருபடப்பாடலாக ஒலிக்கின்றது.

தேன் தமிழ் ஓசையின் செய்தி நேரம்

செய்தி நேரத்டிற்கு பின்னர் அறிவிப்பாளரின் தனி விருப்பபாடல்கள்.

பேர்கன் செய்திகள்

இப்படியே மாறி மாறி நிகழ்ச்சிகள் வ்ரலாம்

Thursday, 17 June 2021

Hon Minister Douglas

Mr, Lawrence Thevethas Peiris Thean Tamil Osai Fm&Tv Gamel Kjokkelvik Veien 46, Bergen 5172, Norway. Theentamil@hotmail.com. Mobil 0047 92278528

Hon Minister Douglas Devananda Ministry of Fisheries Department Sri lanka

என் பாசத்திற்கும் மதிப்புக்கும் உரிய கெளரவ அமைச்சர் தோழர் டக்ளஸ் அவர்களுக்கு! நான் தங்களை மூன்று வருடத்திற்கு முன்னர் கொழும்புக்கு வருகை தந்த பொழுது சந்தித்தேன். அப்பொழுது வன்னியில் ஸ்திரமான கட்சி அமைப்பை உருவாக்கி வேலை செய்யவேண்டும் என வேண்டுகோள் விடுத்தேன். கடந்த பொது தேர்தலில் மன்னார் தொகுதியில் தீவிரமாக தேர்தல் பணியாற்ற வேண்டும் என்ற நோக்கில், தேன் தமிழ் ஓசை என்ற வானொலி தொலைகாட்சி ஊடகத்தை உருவாக்கி மன்னாரில் செயல்பட தொடங்கி னேன். துர்ரதிஸ்டவசமாக கொரோனா நிலைமையால் நோர்வே நாட்டில் இருந்து வரமுடியாது போனது, இருந்தும் எனது தமையன் செலவம் பீரிஸ் அவர்கள் ஊடாக தங்களை பேசாலை கிராம மக்களை சந்தித்தீர்கள். நன்றி, பேசாலை மக்கள் தங்களுக்கு வாக்களிக்கவில்லை, அந்த தவறை தற்போது உணர்கின்றார்கள், என்வே எமது மீனவ மக்களை மறந்துவிட வேண்டாம்.

அமைச்சர் அவர்களே! எனக்கு தனிப்பட்ட ஒரு உதவி தேவை, எனக்கு கொழும்பு தெஹிவலையில் பெரிய வீடு கார் பார்க் வசதிகளுடன் உண்டு. அதை நான் ஒரு முஸ்லிம் வியாபாரிக்கு வாடகைக்கு விட்டேன். பின்பு அந்த வீட்டை விலைக்கு வாங்கப்போவதாக சொன்னார். நானும் பணத்தை ரெடிபண்ணிவிட்டு எனக்கு சொன்னால், விற்பனை பத்திரம் ஒழுங்கு செய்யலாம் என்ச்சொன்னேன். பணம் ஒழுங்குபண்ணூவதாக சொல்லி கிட்டதட்ட நான்கு வருடங்களாகின்றன, அவரால் நான் கேட்ட இரண்டு கோடி ரூபா பணம் திரட்டமுடியாது போய்விட்டது. வாங்குகிறேன் என காலம் கடத்துகின்றார். நான்கு வருடமாக 60,000 ரூபா மாத வாடகையும் தரவில்லை, வீட்டை விட்டு எழும்பமாட்டேன் என அடம்பிடிக்கின்றான். முன்னாள் அமைச்சரைவைத்து என்னை வெருட்டினார். ஒன்றும் செய்யமுடியாதுள்ளது.

தாங்கள் அந்த வீட்டை விட்டு அந்த முஸ்லிம் நபரை விரட்டிவிட்டு, உங்கள் பாவனைக்கு வைத்துக்கொள்ளுங்கள், அல்லது விருப்பம் என்றால் அந்த வீட்டை நீங்களே வாங்கிக்கொள்ளுங்கள், வீடு உங்களிடம் இருந்தால் கொழும்புக்கு வரும் தோழர்கள் தங்கி செல்லமுடியும். தயவு செய்து எனக்கு இந்த விடயத்தில் உதவி செய்யவும், வாடகை agreement எல்லாம் நான்கு வருடங்களுக்கு முன்னரே காலவதியாகிவிட்டது, தெஹிவலை பொலிசை வைத்து என்னை பயமுறுத்துகின்றார். தயவு செய்து இந்த விடயத்தில் உதவி செய்து வீட்டை நீங்களே வைத்திருங்கள். உங்கள் பதிலை ஆவலோடு எதிர் பார்க்கின்றேன்.

நன்றி அன்புடன் பேசாலைதாஸ் நோர்வே

வாடகைக்கு இருக்கும் முஸ்லிம் நபர் Hussain Mohamed Gullam (Riyas) National ID 701004264V, Mobil 0094 777875922, My House Address 32/3E Hill House Garden, Off Malwatha Road, Dehiwala

Sunday, 14 February 2021

பாலேந்திராவின் மேடைப் பக்கம் -1

ஒரு பொம்மையின் வீடு 1 — நாடகர் பாலேந்திரா
லண்டன் அவைக்காற்றுக் கலைக்கழகம்

நாடகர் பாலேந்திரா ஈழத்தமிழ் மேடை நாடகங்களில் கடந்த 50 வருடங்களுக்கு மேலாகப் பணியாற்றி வருபவர். கிராமிய, பாடசாலை சூழலில்களிலிருந்து தமிழ் நாடகக் கலையை வெளியே இழுத்துவந்து நவீனப்படுத்தி உலகத்தர விமர்சகர்களின் பார்வைகளுக்குச் சமர்ப்பித்தவர். அவரும், அவரது மனைவி ஆனந்தராணியும், இப்போது மகளும்கூடவே, லண்டந் மாநக்ரில், நிர்வகிக்கும் அவைக்காற்றுக் கலைக் கழகம் எமது அடுத்தடுத்த தலைமுறைகளிடம் இம் மாண்புமிகு கலையை ஒப்புவித்து வருகிறது. அவரது கலை அனுபவங்களை அவ்வப்போது சமூக வலைத் தளங்களிலும், இதர வழிகளிலும் பதிந்து வருகிறார். மறுமொழி வாசகர்களுக்காக அவரது அனுமதியோடு இக் கட்டுரை பிரசுரமாகிறது.

இன்று இணையத்தில் இப்ஸனின் “ஒரு பொம்மையின் வீடு” (A Doll’s House) நாடகம்.பார்க்கும் சந்தர்ப்பம் உண்டு . லண்டன் நேரம் மாலை 2.30 இல் இருந்து இன்று இரவு வரை YOUTUBE இல் பார்க்கலாம். இது குறித்து முன்னர் ஒரு பதிவில் குறிப்பிட்டுள்ளேன்.

லண்டன் LYRIC அரங்கில் இந்த நாடகத்தை கலைஞர்கள் சத்தியமூர்த்தி , சாம்சன், மனைவி ஆனந்தராணி ஆகியோருடன் கடந்த வருடம்பார்த்தேன்.இதில் நோறா பாத்திரத்தில் சிங்கப்பூரில் பிறந்த ஒரு தமிழ் பெண் அஞ்சனா வாசன் சிறப்பாக நடித்துள்ளார். இப்படி நிகழ்வது லண்டன் mainstream அரங்கில் நான் அறிந்த வரையில் முதல் தடவையாகும்.

நாடகம் எழுதப்பட்ட காலத்தில் (1879) இந்தியாவிற்கு நாடகக் களம் மாற்றியமைக்கப்பட்டுள்ளது . பிரதி ஆக்கம்: TANIKA GUPTA. இந்த நாடகம் லண்டனில் நிலவும் இன, நிற வாதம் பற்றியும் பூடகமாக பேசும். இப்படிப் பல Classic நாடகங்கள் புதிய விளக்கங்களுடன் மீள் மேடையேற்றம் காண்கின்றன.

இந்த வருடம் Nora என்ற பெயரில் Young Vic அரங்கில் இந்த நாடகத்தின் வேறொரு வடிவம் மேடையேறியது. அரங்கில் சென்று பார்க்க திட்டம் இருந்தும், தற்போழுது நிலவும் அசாதாரண நிலைமையால் எனக்கு பார்க்க முடியவில்லை. வேற்றுமொழி நாடகங்கள் ஆங்கிலத்தில் எப்போதும் மேடையேறிக்கொண்டு தான் உள்ளது.

தமிழில் நான் இலங்கையில் இந்த மொழி பெயர்ப்பு முயற்சிகள் செய்த போது எதிர்த்தவர்களும் தற்போது மாறியுள்ளதாக உணர்கிறேன்.

திரு பி. விக்னேஸ்வரன் அவர்களது மொழிபெயர்ப்பு நெறியாள்கையில் கடந்த ஆண்டு கனடா நாட்டில் மிகவும் வெற்றிகரமாக மனவெளி அரங்காற்றுக்குழுவினால் 19வது அரங்காடலில் மேடையேற்றப்படடது இந்த நாடகம், கடந்த வருடம் ,லண்டனிலும் அண்மையில் இலங்கையிலும் வீடியோ பதிவாக காட்டப் பட்டது.

உலக நாடக வரலாற்றில் நவீன நாடகத்தின் முன்னோடி என்று கருதப் படும் நோர்வேஜிய நாடகாசிரியர் ஹென்றிக் இப்ஸன் அவர்கள் 1879 இல் எழுதிய நாடகம் இது.

இன்றும் சமகாலத்தன்மையுடன் உலகின் பல பாகங்களிலும் பல மொழிகளிலும் மேடையேறி வரும் நாடகம். உலகில் பல நாடுகளில் நாடகத்துறை மாணவர்களுக்கு பாடப் புத்தகமாக விளங்கும் இந்த நாடகம் ஈழத்தமிழருக்கும் முக்கியமான நாடகமாக விளங்குகிறது. இப்போது இலங்கையிலும் நாடகத்துறை மாணவர்களுக்கு பாடபுத்தகமாக உள்ளது.

நானறிந்த வரையில் நான்கு ஈழத்தமிழர்களால் மொழிபெயர்க்கப் பட்டுள்ளது.( யாழ் தேவன், குழந்தை ம. சண்முகலிங்கம் , கா. சிவபாலன் , பி. விக்னேஸ்வரன் )

அரை நூற்றாண்டுக்கு முன்னரே யாழ்நகரில் மேடையேறியுள்ளது. யாழ் இந்துக்கல்லூரியில் நான் பயின்ற போது எனக்கும் ஆசிரியராக இருந்த யாழ் தேவன் அவர்களால் அப்போதிருந்த அரசாங்க அதிபர் அவர்களின் உதவியுடன் அப்போது மேடையேற்றப்பட்டது. இலங்கையின் நிகழும் நவீன மொழிபெயர்ப்பு நாடக முயற்சிகளுக்கு ஒரு முன்னோடி நாடகம் இது என்று கூறலாம்.

இப்ஸனின் An Enemy of the people நாடகத்தை தழுவி “சமூக விரோதி” என்ற தலைப்பில் 2014 இல் லண்டனில் மேடையேற்றினேன். இவ் வருடம் யாழ்ப்பாணம் சென்ற போது அதனை அங்கு தயாரிக்க வேண்டும் என்றும் அங்கு உள்ள நீர் மாசடையும் பிரச்சினைக்கு நேரடி தொடர்பாக இருக்கும் என்றும், ஒரு திட்டம் இருந்தது. அது இனி கைகூடுமோ தெரியாது. சுமார் 140 வருடங்களுக்கு முன்னர் இப்சன் எழுதிய நாடகம் இப்பொழுது மிகவும் சமூக பெறுமதி வாய்ந்ததாக காணப் படுகிறது.

சமூகத்தை பாதிக்கும் நுண் கிருமி பற்றிய உண்மையை வெளிப்படையாக சொல்ல வந்த விஞ்ஞானி எப்படி அதிகாரத்தால் “சமூக விரோதி ” ஆக்கப் படுகிறார் என்பதைக் கூறும் உன்னதமான நாடகம் இது.

தற்பொழுது நிலவும் கொரோனா நெருக்கடியில், அதிகாரத்தில் உள்ளவர்களுக்கு பொருளாதாரமா? பொது நலமா? என்ற கேள்வி எழும் போது, அவர்கள் எப்படி செயல்படுகிறார்கள் என்பதை அன்றாடம் நாம் எல்லா நாடுகளிலும் காண்கிறோம். “சமூக விரோதி” நாடகம் இப்போதைய சூழலில் எந்த நாட்டிலும் மிகப் பொருத்தமாக அமையும்.

Friday, 5 February 2021

Kim Tong Un

கிம் ஜாங் உன் மக்களைக் கொடுமைப்படுத்துவார். பிடிக்காதவர்களைக் கொல்வார். அண்டை நாடுகளை அச்சுறுத்துவார். தற்கால உலகத்தில் மிகவும் அதிகமாகக் கேலி செய்யப்பட்ட ஒரு நாட்டின் தலைவர் கிம் ஜாங் உன். கடந்த ஏழு ஆண்டுகளாக வடகொரியாவை ஆட்சி செய்து வருகிறார். இன்றைக்கு வட கொரியாவின் அனைத்து அதிகாரங்களும் இவரிடம் இருக்கின்றன. அவர் நினைத்தால் யாருடைய ஒப்புதலும் இல்லாமல் அணு ஆயுதப் போரைத் தொடங்க முடியும். அவர் விரும்பினால் அண்டை நாடுகளுடன் உறவை முறித்துக் கொள்ளலாம். தேவைப்பட்டால் உறவை புதுப்பித்துக் கொள்ளலாம். வடகொரியாவை அறுபது ஆண்டுகளுக்கும் மேலாக ஆட்சி செய்து வரும் கிம் பரம்பரையின் வாரிசு அவர். உலகில் மிகக் குறைந்த வயதில் அதிகாரங்களைப் பெற்ற தலைவர்களில் இவர் முக்கியமானவர். வலிமையான தலைவர்கள் பட்டியலிலும் இவர் இடம்பெற்றிருக்கிறார். வடகொரியாவை நிறுவிய தலைவரான கிம் இல் சுங், கிம் ஜாங் உன்னின் தாத்தா

கிம் ஜாங் உன்னின் இளமைக் காலம் பற்றித் தெளிவாகத் தெரியவில்லை. எனினும் 1982-ஆம் ஆண்டு ஜனவரி 8-ஆம் தேதி அவர் பிறந்ததாக அந்நாட்டு அரசு தெரிவிக்கிறது. ஆனால் தென்கொரியாவின் உளவுத்துறையினர் அவர் 1983-ஆம் ஆண்டில் பிறந்திருக்கலாம் என்று கருதுகிறார்கள். வடகொரியாவின் தலைவர்கள் பொதுவாக தங்களது குழந்தைகளை வெளிநாடுகளில் ரகசியமாக வளர்ப்பது வழக்கம். அதுவும் ஒவ்வொரு குழந்தையும் வெவ்வேறு நாடுகளில் பிரித்து வளர்க்கப்படுவார்கள். அந்த அடிப்படையில் பிறந்த சில ஆண்டுகளிலேயே சுவிட்சர்லாந்தின் பெர்ன் நகருக்கு அனுப்பப்பட்டார் கிம் ஜாங் உன். அங்கு தொடக்கக் கல்வி பயின்றதாகக் கூறப்படுகிறது. அப்போது அவருக்கு சோல் பாக் பாக் சோல் என பல்வேறு பெயர்கள் வைக்கப்பட்டிருந்தன. ஒரு மாபெரும் சாம்ராஜ்யத்தின் வாரிசு என்பதால் அடையாளம் தெரியாத வகையிலேயே அவர் வளர்க்கப்பட்டார். பாதுகாப்புக்காக உடன்படிக்கும் மாணவர் என்ற பெயரில் ஒரு பாதுகாவலரும் அவருடன் தங்கியிருந்தார். பெர்னில் உள்ள வடகொரியத் தூதரகத்தில் பணியாற்றும் ஒரு அதிகாரியின் மகன் என்ற பெயரிலேயே கிம் ஜாங் உன் நீண்ட காலமாக வளர்க்கப்பட்டார். இப்போது கடும் சினம் கொண்டவராக அறியப்படும் கிம் ஜாங் உன் இளமைக் காலத்தில் மிகவும் பயந்த சுபாவம் கொண்டவராக இருந்திருக்கிறார். கூடைப் பந்து விளையாட்டில் அதிக நாட்டம் கொண்ட கிம் ஜாங் உன், மைக்கேல் ஜோர்டானின் தீவிரமான ரசிகர்

2010-ஆம் ஆண்டில்தான் கிம் ஜாங் உன்னைப் பற்றிய அடிப்படையான தகவல்கள் வெளிவரத் தொடங்கின. கிம் ஜாங் இல்லுக்குப் பிறகு நாட்டை ஆட்சி செய்யப் போகிறவர் என்றும் அடையாளப்படுத்தப்பாட்டார். 2011-ஆம் ஆண்டில் கிம் ஜாங் இல் இறந்த நாளிலேயே சுப்ரீம் லீடர் என்ற பெயரில் நாட்டின் அனைத்து அதிகாரங்களையும் தனதாக்கிக் கொண்டார் கிம் ஜாங் உன். அன்றைய நாள் முதல் அதிகாரத்தைத் தக்க வைத்துக் கொள்வதற்காக பல்வேறு நடவடிக்கைகளை மேற்கொண்டார். தந்தையின் வழியில் அடுத்தடுத்து அணு ஆயுதச் சோதனைகளைச் செய்தார். தேவைப்படும்போதெல்லாம் புதிய வகை ஏவுகணைகளைச் சோதனை செய்து அண்டை நாடுகளை அச்சுறுத்தினார். விண்வெளிக்குச் செல்லும் அளவுக்கு திறன் மிக்க ராக்கெட்டுகள் இவரது காலத்திலேயே உருவாக்கப்பட்டன.

அதே நேரத்தில் தனக்கு எதிரானவர்கள் என்ற தெரிந்தவர்களை ஒழிக்கும் நடவடிக்கைகளையும் கிம் ஜாங் உன் மேற்கொண்டு வந்தார். அவர்களில் ஒருவர் ஜாங் சுங்-தயீக். கிம் ஜாங் உன்னின் மாமா. கிம் ஜாங் உன் பதவிக்கு வருவதற்கு உதவியாக இருந்தவர். பெண்களுடன் தவறான தொடர்பு வைத்திருந்ததாகவும், கட்சியைப் பிளவுபடுத்த முயன்றதாகவும் அவர் மீது குற்றம்சாட்டப்பட்டது. 5 நாள்கள் கழித்து அவருக்கு மரண தண்டனை நிறைவேற்றப்பட்டதாக, தொலைக்காட்சியில் அறிவிக்கப்பட்டது. இந்தக் கொலை தொடர்பாக பல தகவல்கள் உலா வருகின்றன. தயீக்கை ஒரு அறையில் அடைத்து, வேட்டை நாய்களைக் கொண்டு கடிக்க வைத்ததாகக் கூறப்படுகிறது.

2007-ஆம் ஆண்டு ஒரு தொழிலதிபர் வெளிநாடுகளுக்குத் தொடர்ந்து தொலைபேசியில் பேசியதாகக் கண்டறியப்பட்டது. வடகொரிய அரசு இதைச் சாதாரணமாக எடுத்துக் கொள்ளவில்லை. ஒரு விளையாட்டு அரங்கத்தில் ஒன்றரை லட்சம்பேர் கூடியிருக்க அவர் சுட்டுக் கொல்லப்பட்டார். பொது இடத்தில் இதுபோன்று தண்டனைகள் நிறைவேற்றப்படுவது, வட கொரியாவில் சர்வசாதாரணம். மரணதண்டனைகள் சாதாரணத் துப்பாக்கிகள் கொண்டு நிறைவேற்றப்படுவதில்லை. போர்களில் பயன்படுத்தப்படும் ராக்கெட் லாஞ்சர்களை இதற்காகவே வடகொரிய அதிகாரிகள் வைத்திருக்கிறார்கள்.

மனித உரிமை என்பதற்கு அதிபராகப் பார்த்து அளிக்கும் சலுகை என்பதுதான் கிம் ஜாங் உன் உள்பட வடகொரிய ஆட்சியாளர்களின் அகராதியில் பொருள். சிறைகள், வதை முகாம்கள், கொலைக்களங்கள் ஆகியவற்றின் எண்ணிக்கையில் இந்தப் பொருள் புதைந்திருக்கிறது. சிறையை விட்டுத் தப்பிக்க நினைத்தவர்கள் எந்த விசாரணையும் இல்லாமல் கொல்லப்படுவார்கள். அதற்கு இன்னொரு ஆதாரம். அது கிம் ஜாங் நம்மின் கொடூரமான கொலை. இவர் கிம் ஜாங் உன்னின் சகோதரர். தந்தை கிம் ஜாங் இல்லின் முதல் மனைவிக்குப் பிறந்தவர். இவர்தான் வடகொரியாவின் அதிபராவார் என்று நினைத்திருந்தபோதுதான் அந்த இடம் கிம் ஜாங் உன்னுக்கு வந்து சேர்ந்தது.

கடந்த ஆண்டு பிப்ரவரி 13-ஆம் தேதி கோலாலம்பூர் விமான நிலையத்தில் காத்திருந்தார் கிம் ஜாங் நம். தகவல் அளிக்கும் இயந்திரத்தின் அருகே அவர் நின்று கொண்டிருந்தபோது ஒரு பெண் அவர் அருகே வந்து அவரது முகத்தில் ஒரு திரவத்தைப் பீய்ச்சி அடித்தார். மற்றொரு பெண் அவரது முகத்தில் ஈரமான ஒரு துணியை வைத்து மூடினார். பதறிப்போன கிம் ஜாங் நம், அருகேயிருந்த காவல்துறை அதிகாரிகளை உதவிக்கு அழைத்தார். என்ன நடந்தது என அவர்களிடம் விளக்கினார். சில நிமிடங்களில் அவருக்கு மயக்கம் வந்தது. அதன் பிறகு அவர் எழுந்திருக்கவே இல்லை. ஏனென்றால் அவர் முகத்தில் தெளிக்கப்பட்டது வி.எக்ஸ். எனப்படும் நரம்பு மண்டலத்தைப் பாதிக்கச் செய்யும் கொடிய ரசாயனம். உலக நாடுகளால் தடை செய்யப்பட்ட இந்த ரசாயனம், தோல்வழியாக உடலுக்குள் ஊடுருவி சில நிமிடங்களில் உயிரைப் பறித்துவிடும். இதனைத் தயாரிப்பதும் பயன்படுத்துவதும் போர்க்குற்றத்துக்கு ஒப்பாகும். இத்தகைய கொடிய ரசாயனம் சாதாரணமாக யாருக்கும் கிடைக்காது. தற்போதிருக்கும் ஆதாரங்களின்படி பார்த்தால், 4 வடகொரிய உளவாளிகள், இரு பெண்களைப் பயன்படுத்தி கொலையை அரங்கேற்றியதாகக் குற்றம்சாட்டப்படுகிறது.

இப்போது கிம் ஜாங் உன்னின் அரசியல் பிம்பம் சற்று மாறியிருக்கிறது. ட்ரம்புடன் சொற்போர் நடத்தும் அதே நேரத்தில் அண்டை நாடுகளுடன் நேசக் கரம் நீட்டுகிறார். சீனாவின் அதிபர் ஸீ ஜின்பிங்கையும், தென்கொரிய அதிபர் மூன் ஜேவையும் சந்தித்து உலக நாடுகளுக்கு இன்ப அதிர்ச்சி கொடுத்திருக்கிறார். இப்போது அமெரிக்க அதிபருடனான சிங்கப்பூர் சந்திப்பை எதிர்நோக்கியிருக்கிறார். இந்தச் சந்திப்பு கிம் ஜாங் உன்னுக்கு புதிய கதவுகளைத் திறக்கக்கூடும்.

https://www.youtube.com/watch?v=kfpqKnaYy6k&ab_channel=WallStreetJournal

https://www.facebook.com/watch/?ref=saved&v=210741430784144

அதிபர் டிரம்ப்புடனும் உறவுகளை மேம்படுத்திக் கொள்ள கிம் முயற்சி மேற்கொண்டார். 2018 ஏப்ரல் மாதத்தில் சிங்கப்பூரில் இரு தலைவர்களும் நேருக்கு நேர் சந்தித்துப் பேசியது வரலாற்று முக்கியத்துவம் வாய்ந்த நிகழ்வாக அமைந்தது. வட கொரியாவில் அணுசக்திப் பரிசோதனைகளை குறைப்பதை நோக்கமாகக் கொண்டு அந்த சந்திப்பு நடைபெற்றது.

டொனால்ட் டிரம்ப் மற்றும் கிம் ஜோங்-உன் - பகைமை மாறி நட்பு — படக்குறிப்பு,
டொனால்ட் டிரம்ப் மற்றும் கிம் ஜாங்-உன் - பகைமை மாறி நட்பு

அனைத்து ஏவுகணை சோதனைகளையும் நிறுத்தி வைப்பதாக அப்போது திரு. கிம் கூறினார். ``அணுகுண்டு தயாரிக்கும்'' முயற்சியில் வெற்றி அடைந்துவிட்டதால், அணுகுண்டு பரிசோதனை வளாகத்தை மூடிவிடுவதாகவும் அவர் குறிப்பிட்டார்.

இந்த அறிவிப்புகளுக்கு சர்வதேச அளவில் வரவேற்புகள் இருந்தன. ஆனால் கைவசம் உள்ள அணு ஆயுதங்களை அழிப்பது என்ற உத்தரவாதத்தை வடகொரியா அளிக்கவில்லை என்று நிபுணர்கள் கூறினர். அணுசக்தி சோதனைகளை நிறுத்துவதாக ஏற்கெனவே வாக்குறுதிகள் அளித்தபோது அவற்றை கடைபிடிக்கவில்லை என்றும் அவர்கள் தெரிவித்தனர்.

அதற்கு அடுத்த ஆண்டில் இந்த இரு தலைவர்களும், தென் கொரிய அதிபர் மூன் ஜே-இன் உடன் சேர்ந்து சாதாரண முறையில் - ஆனால் பெரிதும் முக்கியத்துவமான - வகையில் சந்தித்தனர். வடக்கு மற்றும் தென் கொரியா இடையில் ராணுவம் இல்லாத இடைநிலப் பகுதியில் அந்தச் சந்திப்பு நடைபெற்றது.

இருந்தபோதிலும், அமெரிக்காவுக்கும் வட கொரியாவுக்கும் இடையிலான உறவு பின்னர் மோசமானது. வட கொரியா தன் அணுசக்தித் திட்டங்களை முழுமையாகக் கைவிடாத வரையில், தடைகளை நீக்க முடியாது என டிரம்ப் மறுத்ததை அடுத்து பேச்சுவார்த்தைகளில் முட்டுக்கட்டை ஏற்பட்டது.

பிறகு 2020 ஜனவரி மாதத்தில், அமெரிக்காவுடன் நடந்த பேச்சுவார்த்தையின் போது நீண்டதூர ஏவுகணை பரிசோதனைகளை நிறுத்தி வைப்பதாக வெளியிட்ட அறிவிப்பை வாபஸ் பெறுவதாக கிம் அறிவித்தார். ``இந்த உலகம் புதிய ராணுவ ஆயுதத்தைப் பார்க்கப் போகிறது'' என்று அவர் எச்சரிக்கை விடுத்தார்.

ஆட்சி நிர்வாகத்தில் பாதுகாப்பு அமைச்சர்களை கிம் அடிக்கடி மாற்றிக் கொண்டே இருந்தார். 2011ல் இருந்து ஆறு ஆண்கள் இந்தப் பதவியை வகித்துள்ளனர். ராணுவப் படைகளின் விசுவாசத்தின் மீது அவருடைய நம்பிக்கையின்மையைக் காட்டுவதாக இது உள்ளது என்று நிபுணர்கள் கூறுகின்றனர்.

கிம் -ன் சகோதரி கிம் யோ-ஜாங் கொரியா தொழிலாளர் கட்சியில் உயர் பொறுப்பில் இருக்கிறார்.

வட கொரியாவில் ஆட்சி அதிகாரத்தைக் கைப்பற்றுவதற்கு 2013ல் தீவிர முயற்சி நடைபெற்றதாகக் கூறப்பட்டது. அப்போது தான் தன் சகோதரியின் கணவர் சாங் சோங்-தயீக்கிற்கு அவர் மரண தண்டனை நிறைவேற்றினார். அவர் ஆட்சிக் கவிழ்ப்பு முயற்சியில் ஈடுபட்டதாக அரசுத் தொலைக்காட்சியில் தெரிவிக்கப்பட்டது.

வெளிநாட்டில் தங்கியிருந்த பெரியம்மா மகன் கிம் ஜோங்-நாம் பிப்ரவரி 2017ல் கோலாலம்பூர் சர்வதேச விமான நிலையத்தில் கொல்லப்பட்டதற்கும், கிம் தான் காரணம் என்று பரவலாக நம்பப்படுகிறது.

கிம் ஜாங் உன்: "நட்சத்திர மன்னரா அல்லது வெறும் சர்வாதிகாரியா" - யார் இவர்?

கிம் உடன் சில நிகழ்ச்சிகளில், முந்தைய அறிமுகம் இல்லாத ஒரு பெண் பங்கேற்ற காட்சிகளை தொலைக்காட்சி ஒளிபரப்பு செய்யும் வரையில், அவருடைய தனிப்பட்ட வாழ்க்கை பற்றி அதிகம் தெரியாமல் இருந்தது. திரு கிம் ``காம்ரேட் ரி சோல்-ஜு'' என்பவரை திருமணம் செய்து கொண்டிருப்பதாக 2012 ஜூலையில் அரசுத் தொலைக்காட்சி அறிவித்தது.

படக்குறிப்பு,
திரு. கிம் மற்றும் திருமதி ரி ஆகியோருக்கு 3 பிள்ளைகள் இருப்பதாகக் கூறப்படுகிறது.

கிம்- இன் மனைவி ரி பற்றி அதிகம் தகவல்கள் கிடையாது. ஆனால் அவருடைய மிடுக்கான தோற்றத்தைப் பார்த்து, அவர் உயர்ந்த அந்தஸ்துள்ள குடும்பத்தைச் சேர்ந்தவராக இருப்பார் என்று நிபுணர்கள் கூறுகின்றனர். ரி ஒரு பாடகராக இருக்கலாம் என்றும், அதனால் கிம் கவனத்தை பெற்றிருக்கலாம் என்றும் செய்திகள் தெரிவிக்கின்றன.

அந்தத் தம்பதியினருக்கு 3 பிள்ளைகள் இருப்பதாக தென் கொரியா புலனாய்வுத் தகவல்கள் தெரிவிக்கின்றன.

கொரிய தொழிலாளர் கட்சியில் உயர் பொறுப்பில் இருக்கும் கிம் யோ-ஜோங், தென் கொரியாவில் ஒலிம்பிக் போட்டியில் கிம் சார்பில் கலந்து கொண்ட போது அனைவரின் கவனத்தையும் ஈர்த்தார். கிம் -இன் மூத்த சகோதரர் கிம் ஜோங்-ச்சோல் அதிகாரப்பூர்வ பதவி எதிலும் இருக்கிறாரா என்பது தெரியவில்லை.

https://www.youtube.com/watch?v=NnG0HB5Jg3E&ab_channel=News7Tamil

https://www.youtube.com/watch?v=33waoauq01w&ab_channel=criminalsandcrimefighters

https://www.facebook.com/watch/?ref=saved&v=210741430784144