சீமான் 01

 தமிழக அரசியலில் 

"இயற்கை", 

"தமிழ் தேசியம்", 

"மாற்று அரசியல்" 

"விவசாயம் வாழ்வியல்" 

என உணர்ச்சிப்பூர்வமான முழக்கங்களை முன்வைத்துத் தங்களை ஒரு தூய்மையான அரசியல்வாதியாகக் காட்டிக்கொள்பவர் நாம் தமிழர் கட்சியின் ஒருங்கிணைப்பாளர் சீமான். 

ஆனால், அவரது இந்த கவர்ச்சிகரமான மேடைப் பேச்சுகளுக்குப் பின்னால், மிக நுணுக்கமான நிதி வசூல் திட்டங்களும், கார்ப்பரேட் கைகோர்ப்புகளும் ஒளிந்திருப்பதை வெளிச்சத்துக்கு கொண்டுவர வேண்டிய கால கட்டத்தில் இருக்கிறோம். 

ஆரம்பத்தில் சீமானின் தீவிர ஆதரவாளனாக இருந்த நான் அந்த ஆதரவை விலக்கிக்கொள்ள பல காரணங்களை சீமானே உருவாக்கித் தந்தார். அது வேறு கதை. 

அது அப்படியே இருக்க,  விவசாயியின் மகன், எளிய பிள்ளை எனத் தன்னைக் கூறிக்கொள்ளும் சீமானின் வாழ்க்கை முறைக்கும், அவரது கட்சியின் நிதி ஆதாரங்களுக்கும் இடையே இருக்கும் முரண்பாடுகளைப் பற்றிய ஒரு விரிவான அலசல் ஒன்றை மேற்கொள்ள வேண்டி உள்ளது.

சீமான் மேடைதோறும் கார்ப்பரேட் நிறுவனங்களுக்கு எதிராக முழங்குவார். ஆனால், ஒரு குறிப்பிட்ட கார்ப்பரேட் நிறுவனத்தை எதிர்த்து லட்சக்கணக்கான இளைஞர்களைத் திரட்டி, அந்த நிறுவனத்தை மூடும் வரை அவர் போராடிய வரலாறு உண்டா?

உண்மையில், போராட்டங்கள் நடக்கும் இடங்களுக்குச் சென்று ஒரு 'அட்டெண்டன்ஸ்' போட்டுவிட்டுத் திரும்புவதே இவரது வழக்கம். ஸ்டெர்லைட் போன்ற பெரிய நிறுவனங்களுக்கு எதிராகத் தீவிரமாகப் போராடாமல் பின்வாங்கியதற்குப் பின்னால், கட்சி வளர்ச்சி நிதியாகப் பெறப்பட்ட கோடிக்கணக்கான ரூபாய் இருக்கின்றது.

குறிப்பாக, ஸ்டெர்லைட் நிறுவனத்திடமிருந்து நிதி பெறப்பட்டது அவரது போராட்டங்களின் நேர்மையைக் கேள்விக்குறியாகி சீமான் ஒரு போலித்தன்மையானவர் என்பதை வெளிச்சம் போட்டு காட்டுகிறது.

சீமான் தன்னை ஒரு சமரசமற்றப் போராட்டக்காரராகவும், "மண்ணையும் மக்களையும் காக்கும் ஒரே தலைவன்" என்றும் முன்னிறுத்திக்கொள்கிறார். ஆனால், ஸ்டெர்லைட் விவகாரத்தில் வெளிவந்த தகவல்கள் அவர் ஒரு "கார்ப்பரேட் கமிஷன் அரசியல்வாதி" என்ற பிம்பத்தையே வலுப்படுத்துகின்றன.

ஒரு பக்கம் மேடையில் "தூத்துக்குடி மக்களைக் கொன்ற ஸ்டெர்லைட் ஆலையைத் தமிழ்நாட்டை விட்டே விரட்டுவோம்" என்று ஆக்ரோஷமாகப் பேசிவிட்டு, அதே நிறுவனத்திடம் கோடிக்கணக்கில் பணம் வாங்குவது என்பது பச்சைத் துரோகமாகவே பார்க்கப்படுகிறது.

தூத்துக்குடியில் ஸ்டெர்லைட் எதிர்ப்புப் போராட்டம் 100 நாட்களைக் கடந்து தீவிரமடைந்தபோது, சீமான் அங்கே வந்து தற்காலிகமாக ஆதரவு தெரிவித்தார். ஆனால், துப்பாக்கிச் சூடு நடந்த அந்தப் பதற்றமான நேரத்தில் அவர் களத்தில் இல்லை.

ஸ்டெர்லைட் நிறுவனத்திடம் பணம் வாங்கிய பிறகு, அந்த நிறுவனத்தை முழுமையாக மூடுவதற்கு அவர் எந்த ஒரு நேரடி சட்டப் போராட்டத்தையோ அல்லது தொடர் போராட்டங்களையோ முன்னெடுக்கவில்லை. மாறாக, மக்களைத் திசைதிருப்பும் உணர்ச்சிப் பேச்சுகளை மட்டுமே பேசினார்.

அரசியலில் ஒரு கொள்கையை முன்னிறுத்தும் போது, அந்தக் கொள்கைக்கு எதிரானவர்களிடம் நிதியைப் பெறுவது என்பது அந்தப் போராட்டத்தின் நேர்மையைக் கொன்றுவிடும்.

ஸ்டெர்லைட் போன்ற பெரிய கார்ப்பரேட் நிறுவனங்கள் சும்மா பணம் கொடுப்பதில்லை. தங்கள் நிறுவனத்திற்கு எதிராகப் பெரிய அளவில் மக்கள் எழுச்சி ஏற்படாமல் பார்த்துக்கொள்ளவே இதுபோன்ற அரசியல்வாதிகளுக்கு "கட்சி நிதி" என்ற பெயரில் 'வாயடைப்புப் பணம்' (Lobbying money) கொடுக்கின்றன.

சீமான் அந்தப் பணத்தைப் பெற்றுக்கொண்டதன் மூலம், தூத்துக்குடி மக்களின் போராட்டத்தை அவர் விலை பேசிவிட்டார் என்பதே உண்மை.

தங்கள் அண்ணன் ஸ்டெர்லைட்டை எதிர்த்துப் பெரும் புரட்சி செய்கிறார் என்று தம்பிகள் நம்பிக் கொண்டிருக்கும் வேளையில், அதே ஸ்டெர்லைட் பணத்தில்தான் கட்சியின் அலுவலகச் செலவுகளும், அண்ணனின் சொகுசு வாழ்க்கையும் ஓடுகிறது என்பதுதான் நிதர்சனம்.

அடுத்ததாக…

இயற்கை வளங்களைக் காப்பேன் என்று கூறும் சீமானின் 2013-ஆம் ஆண்டு திருமணத்தை முன்னின்று நடத்தியவர் தாது மணல் அதிபர் வைகுண்டராஜன். 

மணல் கொள்ளையில் பல ஆயிரம் கோடி ஈட்டியதாகக் குற்றம் சாட்டப்பட்ட வைகுண்டராஜனுக்கும் சீமானுக்கும் இடையிலான நெருக்கம் ஊரறிந்த ரகசியம்.

சீமானின் திருமணம் 2013-ஆம் ஆண்டு நடைபெற்றபோது, அதன் ஒட்டுமொத்தச் செலவான சுமார் 50 லட்ச ரூபாயை வைகுண்டராஜனே ஏற்றதாகக் கூறப்படுகிறது. தாது மணல் அள்ளுவதன் மூலம் சுமார் 96,120 கோடி ரூபாய் வரை வருவாய் ஈட்டியதாகக் குற்றம் சாட்டப்பட்ட வைகுண்டராஜன், சீமானுக்குப் பின்னால் இருந்து நிதி உதவி அளிக்கும் முக்கிய நபராகப் பார்க்கப்படுகிறார்.

வைகுண்டராஜனின் மணல் கொள்ளைக்கு எதிராகச் சீமான் ஒருபோதும் ஆக்கப்பூர்வமான போராட்டங்களை முன்னெடுத்ததில்லை.

குறிப்பாக, கூடங்குளம் அணு உலை எதிர்ப்புப் போராட்டத்தின் போது, பகலில் போராட்டத்தில் கலந்துகொண்ட சீமான், அன்றைய இரவே வைகுண்டராஜன் ஏற்பாடு செய்த விருந்தில் கலந்துகொண்டது அவரது 'நன்றி உணர்வை'க் காட்டுவதாக விமர்சகர்கள் குறிப்பிடுகின்றனர்.

வைகுண்டராஜனுக்குச் சொந்தமான 'நியூஸ் 7' (News 7 Tamil) தொலைக்காட்சி மற்றும் 'தமிழ் நெக்ஸ்ட்' (Tamil Next) போன்ற ஊடகங்கள் சீமானுக்குத் தொடர்ச்சியாகப் பெரும் ஆதரவை வழங்கி வருகின்றன. இதன் பின்னணியில் வைகுண்டராஜனின் நிதி பலம் இருப்பதாகக் கருதப்படுகிறது.

வைகுண்டராஜனின் நிறுவனமான வி.வி. மினரல்ஸ் (V.V. Mineral) மூலமாகச் சீமானுக்கு மாதம் தோறும் ஒரு குறிப்பிட்ட தொகை (Payorder/Monthly amount) வழங்கப்பட்டு வந்ததாகவும், இதன் காரணமாகவே தென் மாவட்டங்களில் நடக்கும் இயற்கை வளச் சுரண்டல்களைச் சீமான் கண்டுகொள்வதில்லை .

வைகுண்டராஜனின் மகனுடைய திருமணம் தாஜ் ஹோட்டலில் மிகப்பிரம்மாண்டமாக நடைபெற்றபோது, அந்தத் திருமணத்தை முன்னின்று நடத்தி வைத்தவர்களில் 'எளிய பிள்ளை' சீமானும் ஒருவர். 

இயற்கை வளங்களை அழிப்பதாகக் கூறப்படும் ஒருவருடன் இவ்வளவு நெருக்கமான நிதி மற்றும் தனிப்பட்ட உறவை வைத்திருப்பது, சீமானின் 'இயற்கை பாதுகாப்பு' முழக்கங்களுக்கு முரணாக உள்ளது.

அதேபோல், கிரானைட் முறைகேட்டில் சிக்கிய பி.ஆர்.பி பழனிச்சாமியை "இந்த நாட்டுக்கு அஞ்சு லட்சம் கோடி ஈட்டிக் கொடுத்தவர்" எனப் புகழ்ந்து தள்ளினார் சீமான். 

கிரானைட் குவாரிகளால் இயற்கை அழிவதைப் பேசாமல், கொள்ளையடித்தவர்களுக்கு ஆதரவாகப் பேசியது அவரது 'இயற்கை ஆர்வத்தின்' உண்மை முகத்தைக் காட்டுகிறது.

சுமார் 16,000 கோடி ரூபாய் கிரானைட் முறைகேடு நடந்ததாக அரசு அதிகாரிகளே அறிக்கை தாக்கல் செய்தபோது, சீமான் மட்டும் மேலூரில் செய்தியாளர்களிடம் பேசுகையில், "பி.ஆர்.பி அவர்கள் இந்த நாட்டுக்கு 5 லட்சம் கோடி ரூபாய் அந்நியச் செலாவணியை ஈட்டிக் கொடுத்தவர். அவர் எப்படி குற்றவாளி ஆவார்? ஆட்சியாளர்கள் தான் குற்றவாளி" என்று பகிரங்கமாக முட்டுக்கொடுத்தார். 

ஒரு இயற்கை ஆர்வலராகத் தன்னை அடையாளப்படுத்தும் ஒருவர், மலைகளை உடைத்து அழித்தவருக்கு ஆதரவாகப் பேசியது பெரும் அதிர்ச்சியை ஏற்படுத்தியது.

கிரானைட் முறைகேடு விவகாரத்தில் அரசு நடவடிக்கை எடுத்த சமயத்தில், சீமானின் கட்சிப் பணிகளுக்காக பி.ஆர்.பி தரப்பிலிருந்து பல கோடி ரூபாய்கள் கைமாறியுள்ளன.

பி.ஆர்.பி-க்கு ஆதரவாகச் செயல்படுவதற்காகத் தேர்தல் காலங்களில் சீமானின் "தம்பிகள்" படைக்குத் தேவையான வாகன வசதிகள் மற்றும் இதர செலவுகளை அந்த நிறுவனமே கவனித்துக் கொண்டன.

பி.ஆர்.பி பழனிச்சாமி ஏழு முறை சிறந்த ஏற்றுமதியாளர் விருது வாங்கியவர் என்று சுட்டிக்காட்டிய சீமான், "அவர் எப்படி கல்லை உடைப்பார்?" என்று மிகச் சாதாரணமான ஒரு கேள்வியைக் கேட்டு, சட்ட விரோதக் குவாரி உரிமையாளரை ஒரு புனிதராகச் சித்திரிக்க முயன்றார்.

மலைகளைக் காப்பேன் என்று கூறிக்கொண்டு, அதே மலைகளைச் சிதைத்த பி.ஆர்.பி-யிடம் கோடிகளைப் பெற்றுக்கொண்டு அவருக்கு ஆதரவாகப் பேசியது, சீமானின் அரசியல் என்பது ஒரு 'வசூல் அரசியல்' என்பதையே காட்டுகிறது.

அடுத்ததாக……&வெளியில் "திராவிடத்தை ஒழிப்போம்" என ஆக்ரோஷமாகப் பேசும் சீமான், திரைமறைவில் திமுகவின் முக்கியப் புள்ளிகளுடன் நட்புறவில் இருப்பது தெரியுமா?

திமுகவின் குடும்ப உறவான சபரீசன் உடன் ரகசிய சந்திப்புகள் நடத்தியதாகக் கூறப்படுகிறது. அதன் விளைவாகவே ₹50 லட்சம் மதிப்பிலான Fortuner கார் சீமானுக்குக் கிடைத்தது.

மேடையில் திமுகவைத் திட்டினாலும், உதயநிதி ஸ்டாலினின் 'ரெட் ஜெயண்ட்' நிறுவனம் வெளியிடும் படங்களுக்குப் பாராட்டு தெரிவிப்பதும், அந்த நிறுவனத்தின் வளர்ச்சியைப் புகழ்ந்து பேசுவதும் சீமானின் இரட்டை நிலையை உறுதிப்படுத்துகிறது.

இது எல்லாவற்றையும் விடக் கொடுமையானது, இலங்கையில் நிலவிய பொருளாதார நெருக்கடியின் போது ஈழத் தமிழர்களுக்கு உதவுவதாகக் கூறி வசூலிக்கப்பட்ட நிதி.

அதற்காக உலகெங்கிலும் உள்ள புலம்பெயர் தமிழர்களிடம் கோடிக்கணக்கான ரூபாய் வசூலிக்கப்பட்டது.

சுமார் 224 டன் (2,24,000 கிலோ) நிவாரணப் பொருட்கள் அனுப்பப்படுவதாகக் கூறி, அவை முறையாகச் சென்றடையாமல் துறைமுகக் கிடங்குகளிலேயே விற்கப்பட்டன.

சுமார் ₹6 கோடி மதிப்பிலான இந்தப் பொருட்கள் ஈழத் தமிழர்களுக்குப் போய்ச் சேராமல் 'அபேஸ்' செய்யப்பட்டது மனிதாபிமானமற்ற செயலின் உச்சம்.

காவிரி மேலாண்மை வாரியத்திற்காகத் தீக்குளித்து இறந்த விக்னேஷ் என்ற இளைஞரின் தியாகத்தைக் கூட சீமான் விட்டுவைக்கவில்லை.

விக்னேஷின் தாய்க்கு வீடு கட்டித் தருவதாகவும், மணிமண்டபம் கட்டுவதாகவும் கூறி லட்சக்கணக்கில் வசூல் செய்யப்பட்டது.

ஆனால், அந்தத் தாய்க்கு வழங்கப்பட்ட ₹10 லட்சத்திற்கான காசோலை (Cheque) வங்கியில் பணம் இல்லாமல் திரும்ப வந்துள்ளது (Bounce).

அந்தத் தாயின் கண் அறுவை சிகிச்சைக்காக நிதி வசூலித்துவிட்டு, அவருக்கு ஒரு பைசா கூடக் கொடுக்காமல் ஏமாற்றியது சீமானின் அரசியல் எந்தப் பிணந்தின்னிக் கலாச்சாரத்தைச் சார்ந்தது என்பதற்குத் தெளிவான சான்று.

புலம்பெயர் தமிழர்கள் தங்கள் வியர்வையைச் சிந்தி உழைத்து அனுப்பும் பணம், சீமானின் சொகுசு வாழ்க்கைக்கும், அவரது மெய்க்காப்பாளர்களுக்கும், கார் பெட்ரோலுக்கும் செலவிடப்படுகிறதே தவிர, தமிழினத்தின் முன்னேற்றத்திற்கோ அல்லது இயற்கை வளங்களைக் காப்பதற்கோ அல்ல.

திருச்செந்தூர் முருகனுக்கு ₹40-50 லட்சம் மதிப்பில் தங்க வேல் காணிக்கை கொடுக்கும் அளவிற்குச் சீமானுக்கு வருமானம் எங்கிருந்து வருகிறது? 

எளிய பிள்ளையெனக் கூறிக்கொண்டு கோடீஸ்வர வாழ்க்கை வாழும் இவரை இனியாவது அவரது 'தம்பிகள்' அடையாளம் காணப்போகிறார்களா அல்லது Zombie கள் போல இந்த மாய வலையிலேயே சிக்கிக் கிடக்கப் போகிறார்களா?

அந்த திருச்செந்தூர் முருகனுக்குத் தான் வெளிச்சம்.